Karlakórinn Lóuþrælar.

15.11.2011 14:59

Dagskrá Lóuþræla til áramóta

Dagskrá Lóuþræla til áramóta 2011 - 2012

Miðvikudagur 7. des. 2011, kl. 20:00 Söngur á Sjúkrahúsi, síðan æfing í Félagsheimilinu Hvammstanga.

Miðvikudagur 14. des. 2011, kl. 20:30 Jólatónleikar, Borðeyri

Fimmtudagur 15. des. 2011, kl. 20:30 Jólatónleikar, Hvammstanga

Dagskráin verður auglýst nánar síðar.

Þetta starfsárið eru Lóuþrælar skipaðir þessum söngmönnum:

1. tenór.

Helgi Björnsson

Helgi Þór Kristjánsson

Eyjólfur Gunnarsson

Kristinn Karlsson

Loftur Guðjónsson

Sveinn Karlsson

Þórir óli Gunnlaugsson

2. tenór.

Ólafur Guðmundsson

Páll Sigurðsson

Rafn Benediktsson

Sigfús Ívarsson

Skúli Einarsson

Sverrir Björnsson

Trausti Björnsson

1. bassi.

Brynjólfur Ásþórsson

Eðvald Magnússon

Guðmundur Þór Ásmundsson

Jóhann Albertsson

Jón Böðvarsson

Júlíus Guðni Antonsson

Karl Ásgeir Sigurgeirsson

Már Hermannsson

Páll Sigurður Björnsson

2. bassi.

Árni Jón Eyþórsson

Bjarni Þór Einarsson

Guðmundur Þorbergsson

Hjalti Aðalsteinn Júlíusson

Ingi Hjörtur Bjarnason

Kristján Sigurðsson

Þorvaldur Böðvarsson

Þetta á að vera nokkuð réttur listi.

Skrifað af Palla

06.10.2011 13:09

Fyrsta æfing vetrarins

Jæja jæja. Þá fer vetrarstarfið að komast í gang.
Nú er búið að ákveða að hafa fyrstu æfingu vetrarins miðvikudagskvöldið 12. október. Æfingarnar fara fram eins og venjulega í félagsheimilinu Ásbyrgi á Laugarbakka kl 20:30 og er æft einu sinni í viku.

Í vetur munu verða æfð dægurlög frá ýmsum tímum, íslensk sem erlend.
Þar má nefna lög með flytjendunum: Sálin hans Jóns míns, Elvis Presley, Simon and Garfunkel og fleirum og fleirum. Hljómsveit kórsins mun spila með söngnum.

Það er alltaf pláss fyrir fleiri söngmenn í kórnum og þeir sem vilja prufa er bent á að hafa samband við Guðmund St. Sigurðsson söngstjóra í síma 8952537 og mæta í létta söngprufu ef þörf þykir :-)

Mynd: KÁS.

Skrifað af Palla.

29.04.2011 23:25

Söngskemmtunin

Söngskemmtun Lóuþræla sem vera átti seinasta vetrardag er nú komin á ákveðinn dag:

Karlakórinn Lóuþrælar fagnar sumarkomu með söng og leik í

Félagsheimilinu á Hvammstanga, fimmtudaginn 5. maí, kl. 21:00

Dagskrá kvöldsins er sett saman úr "best of" 25 ára starfsferli kórsins, en

kórinn hélt upp á 25 ára afmæli sitt síðastliðið ár.

Kaffiveitingar verða að hætti Lóuþræla, með kaffi og veglegum

veitingum. Hljómsveit kórsins spilar undir í völdum lögum á

tónleikunum.

Hljómsveitina skipa:

Elinborg Sigurgeirsdóttir - píanó

Páll Sigurður Björnsson - bassi

Skúli Einarsson - trommur

Stjórnandi kórsins er Guðmundur St. Sigurðsson

Undirleikari, Elinborg Sigurgeirsdóttir

Um einsöng sér Guðmundur Þorbergsson

Aðgangseyrir er kr. 2.500 - Frítt fyrir 14 ára og yngri

Ath. Ekki posi á staðnum

Verið öll velkomin og gleðjumst með kátum kórfélögum

Karlakórinn Lóuþrælar og

Skrifað af Palla.

26.04.2011 21:53

Söngur söngur söngur

Lóuþrælar verða með söngskemmtanir annað kvöld (miðvikudagskvöldið 27. apríl) í Sjúkrahúsinu á Hvammstanga og í Nestúni.

Söngskemmtunin á Sjúkrahúsinu hefst klukkan 20:00 og svo verður sungið í Nestúni klukkan 20:30

Lítið er við þetta að bæta :-)

Skrifað af Palla.

19.04.2011 23:20

Vortónleikum frestað

Af óviðráðanlegum ástæðum verður vortónleikum Karlakórsins Lóuþræla, sem vera áttu í félagsheimilinu á Hvammstanga miðvikudaginn 20. apríl, frestað um óákveðinn tíma.

Tónleikarnir verða auglýstir þegar ákveðinn hefur verið nýr tími.

Lóuþrælar.

Skrifað af Palla.

17.04.2011 09:53

Vortónleikar Lóuþræla

Karlakórinn Lóuþrælar fagnar sumri með söng og leik í Félagsheimilinu á Hvammstanga, síðasta vetrardag, miðvikudaginn 20. apríl kl. 21:00.

Prógram kvöldsins er sett saman úr "best of" 25 ára starfsferli kórsins en kórinn hélt upp á 25 ára afmæli sitt síðastliðið ár. Kaffiveitingar verða að hætti Lóuþræla, með, kaffi, kakói og veglegum kræsingum.

Hljómsveit kórsins spilar undir í völdum lögum á tónleikunum. Hljómsveitina skipa:

Elinborg Sigurgeirsdóttir - píanó

Páll Sigurður Björnsson - bassi

Skúli Einarsson - trommur.

Stjórnandi kórsins er Guðmundur St. Sigurðsson.

Um einsöng sér Guðmundur Þorbergsson.

Eftir tónleikana verður breyting á hljóðfæraleikaraskipan þar sem Hjalti Júlíusson fer á trommurnar og Skúli skellir sér í hetjugítarsólóin á Fender Stratóblaster gítarnum sínum :-) og leikin verða létt lög fram eftir kveldi svona til að halda áfram uppi smá fjöri meðan gestir klára að melta kökurnar.

Aðgangseyrir er kr. 2.500.

Frítt fyrir 14 ára og yngri. Ekki posi á staðnum.

Verið öll velkomin, kveðjum veturinn, fögnum sumarkomu og gleðjumst með kátum kórfélögum.

Lóuþrælar.

Skrifað af Palla.

19.03.2011 13:07

Söngskemmtun í Seltjarnarneskirkju

Laugardaginn 26. mars næstkomandi mun kórinn halda til Seltjarnarness og syngja þar í kirkjunni.

Skemmtunin hefst klukkan 15:00 og kostar 2300 krónur inn. Frítt er fyrir 14 ára og yngri.

Enginn posi á staðnum.

Á prógraminu eru ýmis lög, erlend og íslensk en öll með íslenskum textum.

Þar á meðal má nefna svo kallaða Eyjasyrpu, Fjallið Skjaldbreiður (Fannar skautar eins og það er oft kallað), Pílagrímakór, Senn kemur vor, Þú álfur vorrar yngsta land og mörg fleiri.

Kórstjóri er Guðmundur St. Sigurðsson og undirleikari er Elinborg Sigurgeirsdóttir.

Skrifað af Palla.

07.03.2011 23:27

Söngferð afstaðin

Þá er áðurnefnd söngferð afstaðin og tókst ágætlega.

Reyndar hefðu fleiri gestir mátt láta sjá sig en söngferð var þetta nú samt og var ágætasta skemmtun.

Lagt var af stað frá Hvammstanga klukkan 10:30 að morgni laugardags.

Ekið var austur á Sauðárkrók og áð að í Ábæ. Einhverjum pylsum var sporðrennt á þeim bænum, einnig fengu ropvatnssopar að renna niður kverkar ferðafólksins en þegar formanni og söngstjóra kórsins þóttu nóg komið af áti var haldið áfram til Siglufjarðar.

Komið var þangað um klukkan 13:40, ekið beint upp í kirkju þar sem æfingar hófust, fataskipti sett í gang eftir æfinguna og svo sungið fyrir tónleikagesti klukkan 15:00

Ágætt er að syngja í kirkju þessari sem er ótrúlega stór miðað við það að vera "úti á landi" kirkja eins og sumir orðuðu það.

Því næst var ekið af stað til Dalvíkur í gegnum þrenn göng. Þ.e.a.s. Héðinsfjarðargöng og Ólafsfjarðargöng. Já, rétt er lesið. Þrenn göng því Héðinsfjarðargöngin eru jú tvenn.

Þegar í Dalvík var komið var fyrst stoppað í menningarhúsinu Bergi en þar beið okkar líklega sú allrabesta fiskisúpa sem undirritaður hefur nokkurtíman smakkað. Og ekki var brauðið síðra sem fylgdi með súpunni, hvað þá smjerið :-)

Eftir dálítið súpuát (tvær sneisafullar skálar af fiskisúpu) var farið í safnaðarheimili kirkjunnar, þeir skiptu um föt sem þurftu og létt æfing tekin fyrir tónleikana. Tónleikarnir sjálfir heppnuðust ágætlega og tónleikagestir voru ánægðir með frammistöðu kórsins.

Eftir þessa tónleika var ekið sem leið lá til Hvammstanga, með stoppum hér og þar til að losa út kórfélaga sem þurftu að komast til sín heima utan Hvammstanga.

Ferðalag klárað um klukkan 01:15.

Nokkrar myndir eru komnar inn úr ferðinni og fleiri væntanlegar.

Hægt er að sjá fleiri myndir með því að smella á myndina hér að ofan.

Skrifað af Palla.

03.03.2011 23:23

Fyrsta söngferð ársins

Þá er undirbúning nánast lokið fyrir fyrstu söngferð ársins en lagt verður af stað frá Laugarbakka um 10:00 leitið laugardaginn 5. mars næstkomandi, ekið til Siglufjarðar þar sem tónleikar verða klukkan 15:00 og svo áfram í gegnum nýju fínu Héðinsfjarðargöngin að Dalvík en þar verður sungið klukkan 20:00. Með í för verða geilsadiskar sem kórinn hefur gefið út og verða þeir seldir gegn vægu gjaldi.

Á söngdagskránni eru um 20 lög úr ýmsum áttum og lagalistinn því nokkuð fjölbreyttur. Meðal annars má finna á honum einsöngslag.

Meira seinna.

Skrifað af Palla.